حوار بين 2007 و2008

اذهب الى الأسفل

الحكمة حوار بين 2007 و2008

مُساهمة  طمطم في السبت 29 ديسمبر 2007, 12:22 pm


حوار بين 2007 و2008
-فى يوم 31-12-2007م دار الحوار التالى بين 2007 و2008
"2007":ياااة ..انا بقالى 365 يوم قاعدة على العرش دة....طبعا انا الملكة...مع انى ...مع انى حاسة انى بضعف يوم عن يوم وصحتى بتنقص كل يوم...!
"2008"هاهاها...ما تقلقيش يا "2007"كلها كام ساعة وهتنزلى من على العرش.
"2007":انتى بتقولى اية...ازاى؟! دة انا 2007 احسن ملكة قعدت على العرش ..ومحدش يقدر يستغنى عنى..دة الناس كلها من 365 يوم احتفلوا بيا وبقدومى وقعدونى على العرش دة!!
"2008":ايوة ..بس انتى خلاص انتهيتى وهتييجى ملكة جديدة غيرك تقعد على العرش.
"2007":ازاى الكلام دة؟؟...دة انا ...دة انا...دة انا حتى كنت ملكة سعيدة على ناس كتير!
"2008":بس للاسف كنتى حزينة على ناس اكتر..
"2007":لأ طبعا ..انا متأكدة انى كنت سعيدة بدليل ان فى فترة حكمى ..اطفال كتير اتولدوا وناس كتير اتجوزوا وناس كتير رجعوا لربنا ..وناس كتير لقيت .....وناس كتير كانت عيانة وربنا شفاها ..وناس كتير دخلوا السجن والمجتمع ارتاح من مشاكلهم وبقى آمان...الخ.
"2008":ايوة ..بس انتى ناسية ان كمان فى ناس ماتوا وازواج انفصلوا عن بعض وناس كتير ضلوا..وناس ملقيتش شغل وطلبة كتير سقطت وناس كتير مرضوا وناس دخلوا السجون واطفال اتشردوا......الخ.
"2007":يعنى فكرك الملكة الجديدة مش هيبقى عندها كل دة؟؟
"2008":لالالا...الملكة الجديدة جاية ومعاها رسالة سلام...جاية ومعاها بسمة على كل الوشوش...جاية ومعاها هدايا كتير لكل الناس...جاية ومعاها التفاؤل فى الحياة ورجاءنا فى ربنا...والاهم من دة كلة انها جاية ومعاها نونو صغير يتولد فى قلوب كل الناس من جديد..وهتحاول تصلح الى انتى مقدرتيش تعملية...وترجع الفرحة والامل للناس من جديد..هتخفف المرضى وترد الضالين..هتنجح الطلبة وتهدى المسجونين...
"2007":وياترى بقى هى هتعمل دة كلة مقابل اية؟؟
"2008":مقابل ان كل واحد يحط حياتة بين ايدين الرب يسوع ...ويطلب منة انة يتولد فى قلبة بجد من جديد ويرشدة فى حياتة ويباركها..
"2007":ياااة...ياريتنى كنت عملت كدة من زمان..
"2008":احنا دلوقتى فى الى جاى ...لازم نبص للحياة بنظرة جديدة ومتفائلة ونرمى كل الى فات من احزان.
"2007":ياااة دى الساعة خلاص داخلة على 12..قوليلى بسرعة انتى مين ومين هى الملكة الجديدة؟؟
"2008":الملكة الجديدة تبقى
"انا" "2008" الى هملا الدنيا محبة ورجاء....
"انا" "2008" الى ربنا بعتنى هنا وزود سنة كمان من عمر العالم علشان يدينا كلنا فرصة جديدة للتوبة....
"انا" "2008"الى هحقق امنيات ناس كتير....
"انا" "2008"الى جوايا رسايل لناس كتير هوصلها لكل واحد....
"انا" "2008" الى هحاول ابقى احسن من السنين الى فاتت...الى اكلها الجراد....
"انا" "2008"الى هجلس مكانك على العرش....
-وفى هذة اللحظة وقفت جميع عقارب الساعة على رقم 12..ووقعت معها "2007"من على العرش وجلست "2008"وهى ملكة متوجة.."كللت السنة بجودك واثارك تقطر دسما"
_________________

منقول



--------------------------------------------------------------------------------
avatar
طمطم
مشرف
مشرف

المساهمات : 91
تاريخ التسجيل : 25/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الحكمة رد: حوار بين 2007 و2008

مُساهمة  gina في السبت 29 ديسمبر 2007, 12:36 pm

حلوة اوى اوى يا طمطم الحوار دا وانا واحدة من الشعب الى مريت عليها عام 2007 وانا بقول لربنا ميرسي اوى اوى ع عام 2007 بجد كان عام حلو اوى ميرسي ع كل حاجة حلوة هو عملها معايا انا شخصيا ف 2007 وع كل حاجة بردة مكانتش حلوة ف 2007 لانى عارفة ان دا هيكون ف صالحى انا .
كنتى سنة حلوة اوى اوى يا 2007 ميرسي ليكي . وخلاص بقة كفاية عليكي كدة بقة انتى اديتينا كل الى تقدرى علية 2008 عايزة تدينا حاجات تانى حلوة يا 2007 متزعليش لكن تعالى نرحب سوى انا وانتى وكل المنتدى ب 2008 ونعملها حفلة كبيرة ويكون ملك الحفلة دى مش 2008 لكن يبقة الى خلانا نعيش احلى اوقات 2007 وهيكمل معانا احلى اوقات 2008
باااااااااااااااااااااااااااااااااااااىيا احلى 2007 Very Happy اهلا بيكى يا احلى واحلى 2008 Very Happy
avatar
gina
مشرف
مشرف

المساهمات : 68
تاريخ التسجيل : 25/12/2007
العمر : 36

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الحكمة رد: حوار بين 2007 و2008

مُساهمة  ramboo_ch في السبت 29 ديسمبر 2007, 9:59 pm

رائع جدااااااااااااااااااااااااااااااً يا استير
فعلا 2007 مريتي بسرعه وكنتى شايلالنا حاجات جميلة جدا كنتى سنه سعيد يا 2007
مها شكرنا ربنا مش هنوفيه على كل اللى عملة معانا فى 2007
تعاهدنا عهود كتير فى بداية 2007 والمفروض كنا نقدم حاجات كتير لربنا لكن نفذنا العهود وكسرنا عهود لكن فعلا الله كان امين جدا معانا كسرنا عهودها لكن هو مش بيعاملنا بالمثل... فعلاً يارب انت منستش ولا وعد ولا عهد عهدتنا بيه
-
ان كنا غير امناء فهو يبقى امينا لن يقدر ان ينكر نفسه ( 2تي 2 : 13 )-
هو يذكر الى الابد عهده ( مز 111 : 5 )

كيف أنسي أياماً صارت لك تحكى تروى كيف كان حبك
فنجاتى ونجاحى من وهبها لى سواك
وضيقاتى وجراحى قد شفتها لي يدالك

يا إلهنا الصالح شكراً ليك مهما بنشكر مش هانوفيك
دى مراحمك جيل ورا جيل
وامانتك ثابته وما بتزول اعمالك تشهد لك وتقول يارب مالكش مثيل
يارب بنديلك 2008 من اولها ونتثق فى صلاحك لينا ويارب انا وكل اخواتى فى المنتدى نعرف مشيئتك لينا وننفذها
( عايزين يارب نكون عايشين حسب قصدك - عايزين حياتنا تكون تعبير صحيح عنك - وتكون ملامحنا مرسومة على رسمك وتلاقى فينا خضوع وتلاقى فينا خشوع وتلاقى فينا محبتك وتلاقى قلب يسوع )

ramboo_ch
عضو فضى
عضو فضى

المساهمات : 5
تاريخ التسجيل : 27/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الحكمة رد: حوار بين 2007 و2008

مُساهمة  riri في الأحد 30 ديسمبر 2007, 12:34 am

الله
جميل اوى اوى يا طمطم الحوار ده ربنا يباركك
وجميل جدا كلامك يا جينا وتعليقك وجميل اوى تعليقك يارامبوا بجد انا اتلمست منه
ربنا يدينا نكون امناء معاه فى 2008
ربنا يبارك حياتكم اكتر واكتر منتظره منكم حاجات حلوه تانى

riri
عضو ذهبى
عضو ذهبى

المساهمات : 7
تاريخ التسجيل : 28/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الحكمة رد: حوار بين 2007 و2008

مُساهمة  طمطم في الأحد 30 ديسمبر 2007, 10:44 am

شكراااااا ليكم ياخواتى جينا رامى ريرى
بجد تعليق كل حد فيكم فرق معايا اوى
ربنا يبارك حياتكم وتكون سنه 2008 سنه مليانة بالخير والفرح والسلام فى المسيح يسوع
طمطم
avatar
طمطم
مشرف
مشرف

المساهمات : 91
تاريخ التسجيل : 25/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى