اليوم هو يوم بشارة ونحن ساكتون

اليوم هو يوم بشارة ونحن ساكتون
تعالوا نتأمل مع بعض فى قصة موجودة فى سفر ملوك التانى 7 من 3 الى 11 وكمان نقرأ من انجيل لوقا البشير 2 عدد 10
القصة دى عن اربعة برص كانوا عند مدخل السامرة
والسامرة كانت فى الوقت ده محاصرة من الاراميين وكانت فى مجاعة الوقت ده علشان الحصار
وهما كانوا عند باب المدينه علشان كان ممنوع ان الابرص يعيش وسط الناس لانه نجس فقال بعضهم لبعض انبقى هنا حتى نموت ؟ اذا دخلنا المدينة نموت فيها من الجوع وان بقينا هنا نموت ايضا فتعالوا نذهب الى معسكر الاراميين بصوا معايا على المفاجأة ......
فلما وصلوا الى طرف المعسكر لم يجدوا احدا فيه ....
ليه ايه اللى حصل ؟
تعالوا نشوف ايه اللى حصل
وكان الرب اسمع جيش الاراميين صوت مركبات وخيل وجيش عظيم واووووووووووووووو ياسلام يارب انت رائع
الاراميين افتكرو ان ملك اسراثيل استأجر ملوك الحثيين والمصريين لقتالهم .. فاهربوا عند المساء تاركين خيامهم وخيلهم وحميرهم والمعسكر بما فيه ..... ياسلام يارب انتى بتحارب عن شعبك ليك المجد
يارب طيب مين اللى يقول لشعبك عن اللى انت عملته ؟مين يارب ؟
فجاء اولئك البرص الى طرف المعسكر واكلوا وشربوا واخذوا من هناك فضة وذهبا وثيابا وذهبوا وخبأوها ثم عادوا ودخلوا خيمة اخرى واخذوا منها اشياء ثمينة ايضا وذهبوا وخبأوها وبعدين ايه اللى حصل ؟
تعالوا نشوف ايه اللى حصل
ثم قال بعضهم لبعض لا خير فى ما نعمل
.... طيب ليه قولتوا كده .....
تعالوا تانى نشوف هما قالوا كده ليه عندنا اليوم خبر سار ونحن ساكتون
فأن انتظرنا الى الصبح ولم نعلنه عوقيبنا على سكوتنا
فتعالوا الان الى المدينة لننقل الخبر الى قصر المك ســـــــــــــــــــــــــــــــــــــــؤال مهم ياترى هما بصوا لحالتهم انهم برص ؟ لا لكنهم فكروا بطريقة تانى وهى انه فى خبر سار ولازم يوصل لكل الشعب رغم انه ماكنش ينفع يدخلوا ولكن شافوا الخير اللى الرب عمله وحسوا بالمسؤلية ودلوقتى تعالوا نقرأ انجيل لوقا البشير
عن خبر عظيم يكون لجميع الشعب
ايه رأيكم احنا عندنا خبر سار
10 فقال لهم الملاك لا تخافوا.فها انا ابشركم بفرح عظيم يكون لجميع الشعب.
11 انه ولد لكم اليوم في مدينة داود مخلّص هو المسيح الرب.
المخلص اتى الى العالم ليخلص الخطاة اللذين اولهم انا .....
ياترى انت مش بتهدى غير لما توصل الخبر ده لكل من حولك ولا بتبص على حالتك وبتقول لا انا منفعش؟
ياترى انت حاسس بالمسؤلية ؟
اخى..... اختى هذا اليوم هو يوم بشارة ونحن ساكتون
تأمل صغير بقلم
طمطم

يااااااااااااااااااااا يا طمطم اية التامل الجميل دة بجد حلو اوى بجد كلام حلو يشجع ع اننا نتشجع ونبتدى اننا نكون بننشر الخبر السار دة بقلب مسرور وبحب ونكون عايشين الخبر السار دة
ربنا يباركك وكملى واملينا بالكلام الحلو دة
gina

شكرا اختى جينا انك قرأتى التأمل
كلمة ربنا لاترجع فارغة
شكرا على تشجيعك واتمنى ان كلنا نبتدى بداية جديدة
نحس بالنفوس اللى بتضيع كل يوم ونحن ساكتون
ربنا يباركك حبيبتى
طمطم